30.03.2018

Dilçilik İnstitutunda 31 mart soyqırımının 100 illiyinə həsr olunan tədbir keçirilib

AMEA-nın Dilçilik İnstitutunda erməni vandalları tərəfindən azərbaycanlılara qarşı törədilmiş 31 mart soyqırımının 100 illiyinə həsr olunan tədbir keçirilib. Əvvəlcə soyqırımı qurbanlarının xatirəsi bir dəqiqəlik sükutla yad edilib.

30.03.2018

AMEA Naxçıvan Bölməsində „Azərbaycan dilinin Naxçıvan dialektoloji atlası” nın təqdimatı olub

AMEA Naxçıvan Bölməsində Nəsimi adına Dilçilik İnstitutu ilə birgə „Azərbaycan dilinin Naxçıvan dialektoloji atlası”nın təqdimatı keçirilib. Tədbiri giriş sözü ilə bölmənin sədri, akademik İsmayıl Hacıyev açaraq dilimizin keçdiyi inkişaf mərhələlərinə nəzər salıb, ana dilimizin xalqımızın, müstəqil Azərbaycanın ən böyük milli sərvəti olduğunu bildirib.

30.03.2018

Qədim dillər üzrə biblioqrafiya

Biblioqrafiyada qədim dillərin tədqiqi və tədrisi üçün lazım olan mənbələrin və zəngin elmi ədəbiyyatın siyahısı verilmişdir. Dilçi alimlər, doktorantlar və magistrantlar üçün tərtib edilmiş biblioqrafiya sanskrit, iber, alban dillərini, Şumer, Elam, Akkad, Assur, Xett, Xatti və s. mixiyazılı abidələri əhatə edir. Biblioqrafiya Azərbaycan Milli Elmlər Akademiyası Nəsimi adına Dilçilik İnstitutu Qədim dillər və mədəniyyətlər şöbəsinin əməkdaşları tərəfindən hazırlanmışdır.

17.03.2018

Novruz bayramı münasibətilə tədbir keçirilib

17 martda AMEA Nəsimi adına Dilçilik İnstitutunda Novruz bayramı münasibətilə tədbir keçirilib. Dilçilik İnstitutunun direktoru akademik Möhsün Nağısoylu tədbiri açaraq öncə Novruz bayramı, onun tarixi, ənənələri və mahiyyəti haqqında danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. Bildirib ki, bu bayram, həmçinin sülhün, dostluğun, mehriban birgə yaşayışın carçısıdır.